「當小朋友遇到唔識做嗰時會即刻放棄，應該點樣即時提示，叫佢返嚟？」🚷

第二階段：

「能夠有家長協助提示下，堅持上完一堂，唔識都唔好逃走。」💪

家長目標：化身影子👤

掌握第一階段後，小朋友開始熟習與Zoom 中人互動。目標由第一階段嘅密密出題目、密密提示，到現在開始邁向更自然貼近現實模式，開始接近小朋友上單對單訓練嘅情況。

🔝 練習中可以向小朋友加深問題嘅難度，由上階段必定識題目，提高到現階段一啲學習中嘅題目。同時亦提高專注要求：可以由之前不停簡短發問，到現在加插等待時間、加插小遊戲小故事、加長坐定定時間。

🤐 為咗提高小朋友獨立自主，對家長嘅目標轉為： 家長盡量忍住保持沉默，化身背後的一雙手。要求小朋友集中聆聽Zoom 中導師，由Zoom 中導師教學及提示，小朋友自行思考學習，家長逐步減少協助。由主動介入、 刻意大量提示，開始慢慢退減提示嘅強度，加強自行學習嘅獨立性。

～～～～～

行為問題： 保持專注 👁👁

📝 提前預告：上堂前可以先訂好行為規則，避免使用含糊字眼，例如要乖要留心。適宜列明幾多條規則及清晰行為要求，例如：1. 手放枱面唔掂iPad、2. Pat Pat 黐住張凳，望住iPad、3. 回答老師問題。亦可事前協議如果達成目標後，上完堂後可獲得小獎品，以作鼓勵。

🏠 環境方面：減少令佢分心嘅事物、清空環境、改變Zoom 板面設定、等等，亦可提高小朋友專注度。

🤫 Zoom 途中：適宜選擇相對寧靜嘅提示方法，減少干擾上Zoom 嘅流程。

👉 如果問題行為比較少的小朋友，可用肢體動作或手勢，拍一拍指一指，提示坐好或專注。

☑️ 如果問題行為較頻密，自我控制能力仍有待加強的小朋友，可使用圖片或文字提示行為規則，或者儲貼紙方式，當行為達到目標時當作獎勵。盡量捕捉小朋友行為良好嘅時候讚賞，總好比問題行為發生後再制止，更容易維持整堂Zoom。🪑

～～～～～

🥺 能力問題，或因能力不足引致行為問題：

有時候遇到唔識做嘅問題，錯一兩次，缺乏信心就會想逃避，開始進入放棄狀態。當有全新嘅題目，或者明知小朋友試過都唔識答， 適當時候，請協助小朋友完成任務。Zoom 中人發問後，請幫一幫手，提示少少答案。當然盡量唔好手捉手幫佢做哂講哂答案，要求小朋友都要有相對嘅付出。可以先降低小小要求，就算10個字中佢只可以答到兩個字，都多加鼓勵。令Zoom 堂先順暢完成，確保小朋友仍然參與其中，過程保持輕鬆，令小朋友唔會感受到太大壓力。

㊙️ 重點事先做好預防措施，用適當嘅提示策略協助佢留低，相比起逃走後再捉回來，或者發生更大行為問題後才善後，結果相對容易處理好多。

✏️ 另外建議請記錄未能學懂嘅項目，下課後再一步一步練習。打好底子，下次Zoom 小朋友又可以再獨立答多啲。

～～～～～