「成日上Zoom，就算坐定定，不過都只係軀殼坐喺度，唔係好留意老師講緊乜？」💭

困於家中，唔想被疫情耽誤進度，但係上Zoom 又確實唔係好吸收到。家長慨嘆其實家長始終唔係老師唔係治療師，點教點提示都係留返俾專業嘅 ，上Zoom 嘅時候，家長最好嘅角色係支援技術同輔助行為，小朋友能自己上到堂學習就最理想。😌

～～～～～

首先分析邊度出現問題？

我哋從小朋友嘅實例，假設能夠坐定定，但係唔回應老師，可能有幾個原因：

💻 好多小朋友當上Zoom 堂好似睇緊YouTube 咁！唔知道原來係老師同佢講緊嘢。

😜 行為問題：我就算識答但係我唔想答，掛住睇同學仔，又攪吓部電腦，又想轉台睇YouTube。

🥺 能力問題：我好乖但係我真心唔識答，問題有啲難啊。

🛠 I .T. 技術問題：「Lag 機」網絡延誤， 特別全班開Zoom 時好嘈聽唔到。

可能係其中一個原因，亦可能係 「以上皆是」。

📣 而無論小朋友年紀與能力如何，實例中大多數家長希望小朋友回答問題，並會喺身邊協助 。普遍使用提示方法：重複老師指令，問多一次確保小朋友聽到。 久而久之小朋友會習慣回應現實身邊人嘅問題，而不能直接回應老師在Zoom 中問嘅問題，形成小朋友睇落好似唔回應，家長踢一吓先應一吓。

～～～～～

先設定一個合理期望：

👶🏻 初期目標：先同老師有互動，明白當時係Live 嘅情況，而唔係睇緊老師做KOL。

👦🏻 下一步：能夠在家長協助提示下，堅持上完一堂，唔識都唔好逃走。

🧑🏻 終極目標： 小朋友自己坐喺度Zoom ！盡力回應老師，就算答錯都唔緊要，有上堂聽書就好。家長自己可以坐喺旁邊WFH ，只係做後勤IT 及物資管理 ，有需要時才幫手。

～～～～～

第一階段

「先同老師有互動，明白當時系Live 嘅情況，而唔系睇緊老師做KOL」

初期目標： 即時互動

💻 搵相熟嘅大人，可以係爸爸，可以係媽媽嘅朋友，開個Zoom 傾吓偈，練習單對單 Zoom 互動。

🤭 提示策略： 家長陪伴小朋友身邊，確保Zoom 中人問題清晰，係小朋友一定識答識做嘅嘢。Zoom 中人發問後，家長請忍耐：唔好重複問題，唔好提佢住，亦唔好話佢唔睬人。最少3秒俾小朋友諗一諗，心裡默數 1 2 3 （時間長短因小朋友能力而定，基本3-5秒為之合理）。家長再按小朋友表現提供以下協助：

如果小朋友能

✅ 正確回答： 請大力鼓掌讚賞

⭕️ 有回答但答錯：支持鼓勵有嘗試，請Zoom 中人重複問題後，家長把握小朋友回答嘅時機，協助提示正確答案。

❓ 未有回應：Zoom 中人發問後，家長可提示 「回答嘅時機」，使用動作手勢 （拍一拍小朋友，指一指螢幕），即係話俾佢知而家就到你喇、係時候講嘢喇。確保小朋友有開聲或有動作回應。

如果小朋友唔明白動作手勢，可以提示答案中嘅開頭，第一、二個字，再要求小朋友完成結尾。再請Zoom 中人重複練習幾次。

😄 小朋友嘅目標係習慣回應，整個流程開心而且保持參與。家長目標係練習提示嘅時機，開始懂得互動後就慢慢放手，及加長Zoom 嘅時間至與現實相約。

～～～～～