ABA Q&A [2] 行為治療太過機械式？

🤖 以下例子係一般對ABA 刻板化嘅印象：

天氣涷喇，叫孩子著衫，著咗衫之後讚佢乖喇有聽話有做到，再獎佢一個貼紙或者食糖。🙅🏻‍♀️

🚀 現代化嘅ABA：

利用 “寒冷” 做 【動機】，“大褸” 做 【指令】，【提示】（唔係用口叫）孩子 【行動】 “著衫”，再用 “溫暖” 做 【獎勵】。

呢條公式，可以放落不同嘅場景，不同配搭，千變萬化。

【動機】天氣凍 / 開咗冷氣 / 開咗窗

【指令】大褸 / 頸巾 / 毛氈 / 冷氣遙控器 / 暖水

【提示】指一指 / 放當眼處 / 示範動作

【行動】著衫 / 閂窗 / 閂冷氣 / 飲暖水 / 叫人幫手

【獎勵】溫暖

🏆成功與否，就取決於獎勵是否自然，是否必要。同埋教導時有冇飛走唔自然嘅，多餘嘅人為提示，目標令到小朋友係冇人幫嘅情況，只有依賴環境，做出適當嘅行為，再獲取最自然嘅獎勵。

🅰️🅱️🅰️ 呢一門科學就係教我哋如何改變環境嘅因素，去控制唔同嘅行為。

控制！對！聽落好似好恐怖咁 😰，不過其實好易明～

🌟 簡單來講，我哋可以調節環境，刺激同誘發一個行為，得出一個好結果。下次遇到同樣事情發生，為咗得到好結果，我哋就知道可以做乜嘢。總之學習咗一個行為係Work嘅，就自然會做多啲。

🎡日常生活中可以不停練習，比較使用圖卡坐定定答問題死背，會更快上手同應用，又好玩又自然。